پٹھان نے آتے ہی دھوم مچا دی ، نئے ریکاڈرز کی گنتی شروع

فلم پٹھان میں شاہ رخ خان اور سلمان خان موجود ہیں 

 

بالی ووڈ بادشا ہ کی شاندار واپسی ہوئی ہے جیسا کہ ان کی فلم پٹھان کی نیوزی لینڈ میں پہلی اسکرین کے بعد ہندوستان کے سینکڑوں سینما گھروں میں کنگ خان کے مداحوں نے فلم دیکھا ہے ۔ فلم کے پہلے شو کے بعد جو رپورٹ سامنے آئی ہیں اس میں مداحوں کے علاوہ فلم ناقدین اور تجزیہ نگاروں نے فلم کے بلاک بسٹر ہونے کی پیش قیاسی کردی ہے اور کہا کہ حقیقت میں اب کتنے ریکارڈ بنتے ہیں وہ دیکھنا باقی ہے ۔

 کنگ خان شاہ رخ خان چار سال بعدسدھارتھ آنندکی فلم پٹھان سے سلور اسکرین پر واپس آئے ہیں ۔دیپیکا پڈوکون، جان ابراہم، ڈمپل کپاڈیہ اور آشوتوش رانا نے بھی اداکاری کی، یہ فلم وائی آر ایف  کی جاسوسی کائنات کا ایک حصہ ہے۔ توقع کے مطابق فلم میں سلمان خان کا ایک چھوٹا سے کردار ہے  اور شاہ رخ نے پہلے اس بات کی تصدیق کی تھی کہ دونوں اداکاروں نے سدھارتھ آنند کی فلم کے لیے ایک ساتھ شوٹنگ کی۔

فلم کی کہانی :

فلم پٹھان میں شاہ رخ خان ایک را ایجنٹ کا کردار ادا کر رہے ہیں جو تھوڑی دیر کے لیے رخصت  پر ہے لیکن جان ابراہم کے ہندوستان کے لیے خطرہ بننے کے بعد ڈیوٹی پر واپس آ جاتا ہے۔ ٹریلر نے شاہ رخ کے ساتھ ایک ایکشن سے بھرپور فلم کا وعدہ کیا ہے لیکن پہلا شو دیکھنے والوں نے کہا کہ فلم کا ٹریلر حقیقی فلم کا صرف 5 فیصد ہے کیونکہ فلم میں کئی ناقابل یقین موڑ اور تبدیلیاں ہے جو فلم کو دلچسپ بنارہی ہیں ۔

فلم پٹھان میں سلمان خان اور شاہ رخ خان کی چند جھلکیاں

سلمان خان کا کردار :

فلم میں سلمان خان کا 10 منٹ کا کردار ہے جس کو ٹائیگر کی انداز میں پیش کیا ہے ۔فلم میں جب سلمان خان پردے پر نظر آئے تو سینماگھروں کا ماحول پر جوش ہورہاہے ۔میڈیا میں پہلے ہی اس انداز کو ‘کرن ارجن واپس آگئے ’ سے تعبیر کیا گیا ہے ۔

پٹھان کی رپورٹ:

فلم پٹھان یومہ جمہوریہ سے قبل ہی حب الوطنی کے جوش کو آسمان پر پہنچادیاہے ۔شاہ رخ کی اداکاری  اور فلم کی کامیاب پش کش  نے قوم کو اپنی گرفت میں لے لیا! یہ سینما گھروں کے باہر تہواروں کی طرح ہے اور ماحول کا فی پرجوش ہے  ۔ شاہ رخ کی باکس آفس کی بالادستی کا دور 2.0 آج سے شروع ہو رہا ہے۔ بہت ہی مثبت ابتدائی تبصروں نے فلم کی کامیابی کی پش قیاسی کردی ہے !

 دنیا بھر میں باکس آفس کے آفیشل ٹویٹر ہینڈل کو شیئر کیا۔ فلم پٹھان سے توقع ہے کہ فلم اپنے پہلے پانچ دنوں میں 200 کروڑ روپے کی شاندار کمائی کر لے گی

ایک اور صارف نے ٹویٹ کیاپٹھان  اچھی طرح سے لکھا ہوا ایکشن تھرلر، ایک سخت اسکرین پلے، تفریحی کیمیوز، ٹوئسٹ اور سسپنس، اسپائی کائنات تیزی سے جڑا ہوا (بنیادی طور پر ٹائیگر) اوربلاک بسٹر  فلم ہے ۔

ایک صارف نے لکھا پٹھان ایک غیر معمولی فلم ہے   کنگ از بیاک ، سب کچھ پیش کرتا ہے، ایک مکمل پیکج، ایک بلاک بسٹر ہو گا...ایس آر کے  کیریئر کا تعین کرنے والا ایکٹ... سِڈ آنند کی ہدایت کاری سب سے اوپر۔

ایک اور تبصرہ ہے کہ فلم پٹھان قائل کرنے والی کہانی کے ساتھ ہائی وولٹیج ایکشن ڈرامہ ہے، کہانی سنانا شاندار ہے جیسا کہ ہم سڈ آنند سے چاہتے ہیں  شاہ رخ خان کی کارکردگی شاندار ہے،  جان ابراہم اور  دیپیکا پاڈوکون بھی ٹھیک ہیں، بہت سارے سرپرائز اور ٹوئسٹ ۔

فلم کے ایکشن ، شاہ رخ کی اداکاری ، وی ایف ایکس کی پیش کش ، بیک راؤنڈ میوزک ،شاہ رخ ، جان ابراہم کے ڈائیلگ نے فلم کو شاندار بنادیاہے ۔کسی نے اسے 5/5 نمبرات دائے ہیں تو کسی نے اسے 10/10 قرار دیا ہے ۔

سینما گھروں کے سامنے عوام کی قطاریں صبح 6 بجے سے موجود ہیں

باکس آفس کے اچھے دن:

گزشتہ سال عامر خان ، اکشے کمار، اجے یودیوگن ، رنبیر کپور، رنویر سنگھ کے علاوہ کرن جوہر اور روہت شیٹھی جیسے بڑے ناموں کی فلم یکے بعد دیگرے ناکام رہیں اور باکس آفس بحران سے دوچار تھی  اور بڑی بڑی فلموں کے شدید نقصان برداشت کرنا پڑرہا ہے لیکن پٹھان نے باکس آفس کے اچھے دن واپس لادئے ہیں اور امید کی جارہی کہ 26 جنوری سے 29 جنوری اتوار تک اس فلم کی کمائی سے باکس آفس کے چراغ پھر سے روشن ہوں گے اور یہ فلم 2023 کو ایکشن فلموں کا سال بنادے گی۔